Seni sen sanma zügürd ey dil bütün dünyâ zügürd
Şimdi san’atlar kesâd a’lâ zügürd ednâ zügürd

Derziler ceb dikmez oldı anteri kaftana hîç
Koymaga yok sîm u zer muhzır zügürd molla zügürd

Şimdi hizmetkâr bulunmaz bir kapuda binde bir
Beklese yokdur ulûfe beg zügürd paşa zügürd

Dedi Paşa mehterine tabla turralar urun
Didiler tabla delinmiş zil zügürd zurna zügürd

Olmadıkça sîm ü zer uşşâkasayd olmaz güzel
Bu meseldir Fenniyâ Mecnûn zügürd Leylâ zügürd